Σήν γέφυραν, σήν γέφυραν σή Τρίχας τό γεφύρι
χίλοι μαστόροι έχτιζαν -και μύριοι ·μαθητάδες
Ολ' τήν ήμέραν έχτιζαν κι από βραδίς χαλάουτον
Οι μαστόροι έχχαίρουνταν θέ νά πλεθύν ή ρόγα
Ντο δις με πρωτομάστορα -και στένω τό γεφύρι σ;
Αν δίγω σε τον κύρη μου άλλο κύρην πα 'κ εχω.
Αν δίγω σε τήν μάνα μου άλλο μάναν πα 'κ εχω.
Αν δίγω σε τ' αδέλφια μου άλλ' αδέλφια πα 'κ εχω.
Αν δίγω σε «και τά πουλϊα 'μ άλλο πουλϊα πα 'κ έχω.
Αν δίγω σε τήν κάλην μου καλύτερον εύρήκω.
Μενεί ατός τήν κάλην άτ με τ' άοικον πουλόπον:
- Τήν Σάββαν δέβα σό λουτρόν τήν Κερεκήν σον γάμον
και τήν Δευτέραν τήν πιρνήν άδά να ευρισκάσαι.
'Ατού σό Δρακολίμν κάλη 'μ έρουξεν τό σκεπάρι 'μ
κι αν κολυμπάς και παιρτς άτο είσαι τ' έμόν ή κάλη.
Σεράντα όργυές κατηβαίν και μέ τήν τραβωδίαν,
κι αλλα σεράντα κατηβαίν μέ τήν μοιρολοΐαν.
'Κι κλαίω για τά κάλλια ·μου ,και 'κϊ πονώ τήν όψη 'μ
κλαίω ντο κείται σό κουνίν άπέσ σό μεσοχάμι
Κι αμον τραμάζν' τά γόνατα 'μ νά τρομάζ τό γεφύρι
κι αμον ντο ρούζν' τά διάκρια μου νά ρούζνε οί δεβάτοι.
- Εύχέθ' κόρη 'μ ευχέθ κόρη 'μ εύχέθ μή καταράσαι
κι αρ εεις κύρην σήν ξενιτιάν καλαδελφούς σά ξένα
- Κι άμον ντο στέκν' τά γόνατα 'μ νά στέκει τό γεφύρι
κι αμον ντο στέκν' τά διάκρια μου νά στέκνε κ' οί δεβάτοι.
Santeos
11 Νοέμβρη '09 22.12'
