'Σ σον Πόντον

Ας εμ' πουλίν κ' επέτανα  'ς ση Πόντου τα ραχία

 ν' έλεπα τον Ελληνισμόν, άμον ντο έτον πρώτα,

τα πολιτείας, τα μικρά και τα τρανά χωρία,

τα εγκλησίας με σταυρόν, τα κάστρα, τα σχολεία.

 Ν' έλεπα τον Ελληνισμόν, ν' ανθεί και προοδεύει,

'ς σα γράμματα, 'ς εμπόριον, 'ς σην τέχνην να πρωτεύει.

Η Τραπεζούντα, Τρίπολη, Ορδού, η Κερασούντα,

 Οινόη, Φάτσα, Αμισός, Σούρμενα και Ριζούντα,

Έστραφταν  'ς σον γιαλό ν σουμά πλούτον και εμορφάδαν,

 εκεί ούλα εθύμιζαν, Ρωμανίαν, Ελλάδαν.

Ν' επέτανα από ψηλά  'ς σ' Ελλενικά χωρία

 'ς σα ψηλασέας, 'ς σα στενά, 'ς σ' ακριτικά ορμία.

Εκεί εζήν' ναν Έλλενοι με χριστιανοσύναν

 με το σέβας και την τιμήν και με την καλωσύναν.

Ας εμ' πουλίν κ' επέτανα, από ψηλά  'ς σον Πόντον

ν' έλεπα τον Ελληνισμόν ζωντανόν, χαρεμένον.

Του Αγαθ. Φωστηρόπουλου

(Από το βιβλίο της Αγγελ. Στεργίου «Εγκώμια και θρήνοι για τις αλησμόνητες πατρίδες», έκδ. «Ιανός», Θεσ/νίκη 1997).

Santeos

09 Σεπτεμβρη '11    20.58'