Αφκά σο κοπροκάλαθον έν....

Σα μαύρα χρόνα τη κατοχής οι Γερμανοί επήγαν σην Σέσλοβαν να πϊάνε τον Γιωρίκαν τη Σισμάν'.

 Όντες είδεν ατ'ς ο Γιωρίκας έτρεξεν κ’ εκρύφτεν αφκά σο κοπροκάλαθον, που έτονε σον φράχτην καικά.

Οι Γερμανοί εράεψαν ατον σ’ όλα τ’ εκέσ’. Να αχερώνα εφέκαν και να μαντρία. Σο καραβάτ’ αφκά πιλά επήγαν ετέρεσαν·

Τελευταία επήγαν σην πόναν. Όντες είδαν τη φωλέα γομάτον ωβά ,επαλαλώθαν.

 Οι αφορισμέν’ όλα εμάζεψαν κ' επέραν. Το τσίλχον πα, που έτον φωλέα, εκείνο πα επέραν. Αγια άγια έλεγαν και τ’ ωτία τουν πα εγέλαναν.

Όντες εχπάσταν να φέγ'νε, έτρεξεν αποπίσ’ ατουν ο Στυλίκον, ο μικρόν ο γιον τη Γιωρίκα και είπεν σ’ έναν Γερμάνον:

- θείο, τον πάπα μ' αραεύετε; Αφκά σ’ κοπροκάλαθον εν'.

ΛΕΞΙΛΟΓΙΟ

Σέσλοβα « Σεβαστό Κιλκίς

 α φ κ ά = κάτω

κοπροκάλαθον = καλάθι για μεταφορά κοπριάς

σην φραχτην καικά = κοντά στο   φράχτη

εράεψαν ατον = τον έψαξαν

σ’ ολα τ’ εκέσ’ = παντού

καραβάτ’=κρεβάτι

να…να = ούτε… ούτε

π ι λ ά = ακόμη

   πό ν α = κοτέτσι

  ωβά=- αβγά

επαλαλώθαν=τρελάθηκαν

τσίχλον=κλούβιο

έτον=ήτανε

 ά γ ι α = αβγά στη γερμανική

εχπάσταν να φέγ'νε = ξεκίνη­σαν να φύγουν

αραεύετε=ψάχνετε

Δημήτριος Νικοπολιτίδης

Santeos

3 Δεκέμβρη '11     20.39'