ΔΕΚΑ ΠΟΤΑΜΑ

Η Μελπομένη τη Κούσονος επήεν να ξαγουρεύκεται σον ποπά Νικόλαν.

-    Πάτερ, είπεν άτον έχω πολλά αμαρτίας.

-    Ντο αμαρτίας έεις, τέκνον μου;

-    Πάτερ, επήγα μετ ' τον έναν και τον άλλον.

Επήγα με τον Κάκον τη Μαραντίνας, με τον Μούχον τη Τσουφράκας, με τον Αλέξην τη Στάμπαση, με τον Νάστον τη Ζουρνατσή...

-     Άναυα ατείντς τηνάν είπες, άλλο με την κανάν επήες;

-    Επήγα και με τον ποπάν ας Αφκατοχώρ'.

-'Εξ,' απαδαπέσ' αγλήγορα. Να πας ρούεις σο βαθέν το ποτάμ' και να φουρκίεσαι. Εσέν δέκα ποτάμα 'κι κατενίζ'νε σε.

-    Γιατί, πάτερ;

-Εφέκες εμέν τον γιοσμάν τον ποπάν κ' επήες μετ' εκείνον τον τσαμουρόχτιστο. Και 'κ' εντρέπεσαι και, λες ατο.

ΛΕΞΙ ΛΟΓΙΟ

να ξαγουρεύκεται = να εξομολογηθεί (ρ. εξαγορεύω, 'ξαγουρεύω, μέσ.

εξαγουρεύκουμαι)

 άναυα = εκτός

 ατείντς = αυτούς

 τηνάν = τους οποίους

 με την κανάν = με κανέναν άλλον

 ας Αυκατοχώρ' = από το Κατοχώρι

 έξ' απαδαπέσ' = έξω από εδώ μέσα

να πας ρούεις = να πας να πέσεις (ρ. ροΐζω, ρούζω)

κι κατενίζ'νε σε = δεν σε ξεπλένουν (ρ κατενίζω)

 εφέκες εμέν τον γιοσμάν = άφησες εμένα τον λεβέντη (ρ. αφήνω)

τσαμουρέχτιστος = ο φκιαγμένος από λάσπη, άσχημος.

ΔΗΜΗΤΡΙΟΣ   Σ.ΝΙΚΟΠΟΛΙΤΙΔΗΣ

ΦΙΛΟΛΟΓΟΣ-ΣΥΓΓΡΑΦΕΑΣ

Santeos

27 Ιουνη '11    10.29'