To έναν το δίκαιο 'μ και το άλλο η τέχνη 'μ

Ο  ταή 'μ ό Γιάννες, ο Κερασουνταίον εκουβάλνεν πράγματα ας σον Τσσιάκον σην Άσσκοβαν.

Εχτράτιζεν σ' οσπίτν άτ, ένοιεν όλια τά πράγματα  και ας σο κάθε έναν επαίρνεν απ' ολίγον.

Έναν  ημέραν ερώτεσεν άτον η θεία 'μ:

-Εσυ παίρτς τό δίκαιο 'σ γιά τ' ατά ντο κουβαλείς;

- Παίρω, είπεν ό Κερασουνταίον.

-Κ ι αμ άλλο γιατί  κρούς ατουκέσ τό χχέρι σ; έρώτεσεν άτον ή θεία μ.

-To έναν εν τό δίκαιο 'μ και τ' άλλο ή τέχνη 'μ, είπεν κι ο Κερασουνταίον.

ΛΕΞΙΛΟΓΙΟ

 Ταής= Θείος

Εχτράτιζεν= πήγαινε, σταματούσε

Δίκαιο= Αυτό που σου αναλογεί

Κρούς = χτυπάς(εδώ εννοεί παίρνεις)

Ατουκέσ' = εκεί

Ν. Λαχανόπουλου

Santeos

19 Δεκέμβρη '10   11.16