Το πεγάδ
1676 μέρες πριν  Παράθεση('689174','689174','6','3421')">Έκθεση spamΣη Φιλοποίμη τ' οσπίτ',που έτον γιαν' σ' οσπίτ' τη Βουτσαλάβας εκάθουτον ο ποπά Νικόλας με την Ποπαδΐα.
Εναν
ημέραν έρθεν να διαβαίν ασ' ση στράταν ο ποπά Νικόλας,είδεν ατον η Βουτσιαλάβα
και λέει άτον:
-"Πάτερ ,αβούτον ο τροχόν τη πεγαδή εχαλάεν και νια να κατηβάζ' και νια
ανεβάζ 'τη βέτραν να παίρομεν νερόν.
Εσυ πετσιαρουκλής είσαι και τα χέρια σ'
πιάνε σ' όλια, έλα τερ' και διορθώσον άτο, εσείν πα απ' ατό πέρετεν νερόν.
-"Παρθένα",είπεν ατέν ο ποπά Νικόλας, την Κερεκήν θα έρται ο δεσπότ'ς ασ' σο Κιλκίς να λειτουργά αδά και θα λέγ'ατον να έρται διορθών'ατο"
-"Μώσε τη ποπαδΐας το βρακίν κάθεσαι σο παλγόν κι εμπαλιείς κι ατο κι
θές να εφτάς!" ειπεν ατον η Βουτσαλάβα.
ΛΕΞΙΛΟΓΙΟ
Εκάθουτον=καθόταν.
να διαβαίν=περάσει
αβούτον= αυτό
τη πεγαδή= του πηγαδιού
εχαλάεν=χάλασε
πετσιαρουκλής=καταφερτζής
πέρετεν=παίρνετε
σο παλγόν=στο μπαλκόνι
Γιώργος Παρχαρίδης
7 Απριλη '07 11.55
Santeos
---
Σχόλια: 0 Εμφανίσεις: 849
Ετικέτα: ποντιακα ανεκδοτα, νεα σαντα, ανεκδοτα της σαντάς, η βουτσαλάβα | 
